ارتجالات
أخر الأخبار

من وحي المتحرش


صباح الخير ، صحيت لاقيت الدنيا مقلوبه ، بيقولو ان فيه شخص اتحرش ب حوالي ١٠٠ بنت
اي الرقم ده ، ده انا كنت بعمله ف ثانوي ، شكله عيل مراهق اندر ايدج ، من نوعية ابو ادم وكده
وبعدين اللي زعلانين دول زعلانين ليه ، هما مالهم ، لو كل واحد كان يخليه ف حاله هنعيش عيشه فل كلنا ، منها لله رضوي الشربيني ، وحقوق المرأه .
ما احنا عيشنا عمرنا كله معروفه ان الست غير الراجل ، انا امي دايما لما برجع متأخر مبتزعقليش ، ولما اقولها اني ظبطت مع بنت جديده بتفرح بيا ، ما انا ابنها الوحيد ، انا اه عندي اخت بس مبتطلعش من البيت ، امي دايما بتقولها اخوكي عشان راجل يعمل اللي هو عايزه يكلم بنات طول الليل براحته ، ويكلم بنات عالنت براحته لكن هي متعرفش اني حتي البنات ف شارع انا مش ساكت ، مابصراحه لبسهم مستفز ، انا اعمل اي يعني بلاقي نفسي غصب عني بضايقهم ، بس بيني وبينك انا بضايق حتي اللي بيلبسوا كويس ليه بقا عشان اتعودت خلاص الموضوع كبر مني مباقتش عاتق
المهم بقي دلوقتي انا عايز اعرف هيعملوا اي ف الواد ده ، ماحرام برضو يضيعوا مستقبله ، انا لو منهم اسامحه ويوعدهم ميعملش كده تاني
امتا بقي نخلص من زمن المنيل بستين نيله ده ، ونرجع ل ” انا ابو عبد الرحمن وابني يعمل اللي هو عايزه “
صفحه من مذكرات شخص الشرطه لقيتها وهي بتفتش البيت المتهم “قتل واحد اتحرش بأخته”

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى
إغلاق
إغلاق