حواراتمقالات
أخر الأخبار

مكتئب ليه ما انت واكل فراخ ؟

اول مراحل العلاج هو ان تدرك انك بحاجه للعلاج ..
كتير بنواجه ناس مش مقتنعه بالمشاكل النفسيه وعلي العكس تماماً بنواجه ناس بتعلق اي تصرف غلط علي المرض النفسي
فكان لازم نفهم ونستفسر اكتر فا استعانا بالمعالج النفسي/ هبه الزيني عشان تجاوب علي اسئله كتير مش لاقينلها إجابه

_ تعرفي بإيه المرض النفسي؟
هو كل ما يؤثر علي سلوكيات وافكار والجزء الوجداني كمشاعر ، او الاضطرابات اللي بتوصلنا ان يكون عندنا خلل ف سلوكياتنا او افكارنا
وازاي كا دكتوره بتقدري تخلي المريض يثق فيكي ؟ بأتباع ميثاق العلاج النفسي بإني احافظ علي اسراره ، واني محكمش عليه اي حكم مهما كان بيعمل اي سلوك ، اسمعه بالشكل الكافي اللي بيعبر عن كل مخاوفه وصدماته من غير اي نوع من انواع الحكم اكيد بتواجهي ناس كتير وخصوصا لو من اهل المريض مش فاهمين ان فيه حاجه اسمها مرض نفسي ويندرج تحت ما انت واكل فراخ مثلا مكتئب ليه ؟
ازاي بتقدري تقنعي اللي قدامك اد اي المرض النفسي لا يقل اهميه عن المرض الجسدي؟
من اصعب الحاجات اللي بتواجه اي معالج نفسي ، كتير بنكون شغالين جلسات وعاملين برنامج علاجي وبنحقق اهداف ، ويجو الاهل يهدوا كل ده عشان مش فاهمين يعني اي مرض نفسي
ف اول حاجه لازم اعملها للاهل اني اشرح خطورة المرض اللي عند ابنهم او بنتهم ، ممكن يأثر علي حياته الجايه ، بنشرح الموضوع من جانب علمي وجانب انساني ، وبذكر الاسباب اللي وصلت لده والاهل بيكونو عارفينها ، في ناس كتير بيحسوا بالذنب من ناحية عيالهم ويبدأو يتغيروا . في النهايه كل اللي عايزينه ان اولادهم يكونو افضل ف مش بيكون مطلوب منهم غير انهم يتفهموا ده .
طب اي اكتر المشاكل اللي بيعاني منها المرضي اللي بتتعاملي معاهم في الوقت الحالي؟ عدم التقابل إضرابات جنسيه اكتئاب عدم ثقه بالنفس وهل الفئه اللي بتعاني من الإكتئاب ليها سن معين ؟
لأ مفيش فئه معينه بتعاني من الإكتئاب ، زي ما فيه مسنين بيجيلهم اكتئاب فيه حالات لأطفال عندهم اكتئاب
وبيكون اي اسبابه ؟ اسبابه كتيره منها اسباب وراثيه ، فيه اسباب فسيولوجيه ليها علاقه بتغير هرمونات معينه ف الجسم ، وخلينا متفقين ان الاكتئاب ف حد ذاته هو اختلال ف كيميا المخ ، المخ بيحصل فيه خلل فيه ادويه معينه بتسبب الإكتئاب ،وفيه اسباب كتير جدا لأسباب الإكتئاب واهمهم ان الشخص يشيل صدمات كتير جواه من غير ما يتعامل معاها بالشكل صح ده بيؤدي للإكتئاب بنسمع كتير عن حوادث قتل وبتندرج تحت ان المتهم مريض نفسي هل ده حقيقي؟
احيانا كتير امراض ليها علاقه ممكن يكون الانسان شخص عنيف ف ده يوصله انه يقتل حد بس ده مش مبرر ، ولكن يمكن ان نصنفه مرض عقلي اللي بيؤدي لجريمه دي وليس مرض نفسي ، وده بيظهر ف التحقيقات مع المريض
ممكن حضرتك تكلمينا عن اهميته الاهتمام بالصحه النفسيه ؟ فكرة اننا ندور علي السوي النفسي دي اهم حاجه ، لان كل ما كانت صحتنا النفسيه كويسه كل ما كانت جوانب حياتنا بقت بخير ، الصحيه الجسديه بتكون افضل وعلاقتنا افضل وشغلنا افضل ، وده بيحصل طول ما الواحد بيدور علي صحته النفسه وبيهتم بيها بشكل عام. واي اللازم علي الاهل اتخاذه عن ملاحظة المرض علي احد افراد المنزل؟
واجب علي الاهل انهم لما يلاقوا ان فيه تغير ف الحاله النفسيه او ف اسلوب حياته بشكل عام ينصحوه يروح لمختص يقدمله الدعم بإنه يسمعه كويس ، لازم افهمه ان المرض النفسي مش حاجه تدعوا للخجل نهائي بالعكس كلنا معرضين لده .
_وهل فكرة ان يكون فيه مريض نفسي ف البيت او شخص عنده اضطرابات نفسيه ليه دايما بيخجل من ده ؟ وهل ده صح ولا لأ ؟
بيخجل منها لأسباب كتيره واهمها المجتمع اللي بيرفض دايما فكرة المرض النفسي والخوف من اتهامه بالجنون ، تاني الحاجه الميديا والافلام اللي بتصور ان المريض النفسي هو شخص مختل كل هتصرفاته مش طبيعيه ف مش مسموح ليه بالشغل او الجواز او الدراسه كل ده موصل للناس صوره غلط لفكرة المرض النفسي ، وده بيؤدي انهم يشعروا بالخجل .

واخيراٌ : المرض النفسي لا يقل اهميه من المرض الجسدي ، وليس وصمة عار تدعوا للخجل..وبداية علاجه هو مواجهته

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق