نقد فني
أخر الأخبار

مسرحية (عفروتو)انتاج:١٩٩٩

مسرحية (عفروتو)انتاج:١٩٩٩
بطولة :محمد هنيدي ؛حسن حسني؛احمد السقا؛هاني رمزي؛منى ذكي؛ماجدة ذكي
المسرحية دي اتعملت بنفس الفكرة وشبه كبير في الشخصيات والأحداث يمكن حتى الافيهات اللي اتقالت في المسرحية زي(انجعص واتمنظر اؤمر واتقنعر)واصوات الكحة والعطسة بتاعة العفريت لكن كان بدل (حسن حسني)كانت(نجلاء فتحي)اللي كان حال بيتها متشقلب ومش عارفه تعدل حال أسرتها وتجمعهم
الفكرة تظهر لبعض الناس انها مجرد مسرحية كوميدية فيها فكرة لطيفة أن واحد طلعله عفريت وبدأ يزهقه في عيشته لكن الغرض من وراها كبير جدا
هي عبارة عن مسرحية سياسية ساخرة بتعبر عن الوضع في الوطن العربي والتشتت اللي الدول فيه
يعني مثلا (عفروتو)بيمثل دولة إسرائيل اللي جاية تحط ايديها على القصر وتقوم بتشتيت ولاد العم عشان تعرف تسيطر لوحدها
(حسن حسني) بيمثل مصر اللي عايزة تجمعهم وبتنادي باعلى صوتها وهي أكبر واحدة ويمكن القرار دائما بيبقى في أيدها
و(هاني رمزي)بيمثل بعض الدول الغنية اللي بيتم السيطرة عليها زي مثلا السعودية بالرغم أن في ايديها حاجات كتير لكن متسيطر عليها وماتعرفش تاخد قرار
زيه بس بالعكس وهي(ماجدة زكي ) اللي بتمثل الدول الخليج الغنية بس في وادي تاني وماتحبش حتى أنها تشارك
(مني ذكي )بتمثل الأرض المحتلة وهي تكاد تكون(فلسطين)اللي بيجي العفريت يسيطر عليها وهي بتبقى راضية في الاول لكن بتعرف الحقيقة بعدين
(احمد السقا)بيمثل بعض الدول الحقودة اللي يتم الاستيلاء على اولاد عمومته مثلا زي (العراق)
فكرة المسرحية تكاد تكون معمولة الفكاهة بس لكن رسم كل شخصية واحداثها بترمي لغرض ابعد
وفي آخر المسرحية لو بتكملوها هتلاقي حسن حسني بيسلط الضوء على دة بشكل مباشر جدا والأغنية الأخيرة كمان.

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
الرجوع الى الصفحه الرئيسة
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock