ارتجالات
أخر الأخبار

ما تريده الروح الجزء الثاني

-يلا يا فريده مش عايزين نتأخر
-حاضر يا حبيبي يلا الغروب قرب أهو
-يلا يا قلبي

“على الشاطئ”
-سبحان الله حقيقي يا سفيان أكتر منظر برتاح له هو الغروب
-فاكرة الغروب وأول يوم لينا ؟

-طبعـا فاكرة دا يوم يتنسي ؟

-ياه أول خروجة لينا أخيرًا
-ههههه اي ياعم مينفعش نيجي في الجو الرومانسي دا وأحنا مخطوبين حتى عيب
-صح أصل الشيطان هيكون تالتنا
-هههههه بس عيب
-فريدة
-قلبها
-بحبك
-عارف أنت عيونك الزرقة الي زي بحر اسكندرية دي بتأخد قلبي والله
-طب مش هتقوليها
-هي اي
-فريدة!

-بحبك

  • وضحكت عليا يا سفيان
  • ههههههه بس طلعتي بتحبي البحر أوي
  • أوي أوي يا سفيان أنا من ساعة ما أتولدت وأنا في اسكندرية كانت ماما تشيلني على أيدها وأفضل باصة للبحر وبالذات ساعة الغروب ولو بعدت عن الشباك قبل ما الدنيا تليل أفضل أعيط
  • ياااه دا الغروب له ذكريات كتير معاكِ بقي
  • كتير أوي يا سفيان، يعني في مرة بابا جاله شغل في القاهرة وكان أخر قرار إن أحنا هننقل القاهرة فضلت طول اليوم قاعدة على البحر شوفت الشروق والغروب ولما سفرنا جيت أفتح البلكونة ملقتش البحر في وشي أغمي عليا تعبت جدًا جدًا لحد ما رجعنا إسكندرية تاني
  • ياااه، طب لو جيت قولتلك أنا هرجع القاهرة تاني هتيجي معايا ولا هتسيبني ؟
  • لا طبعًا هاجي معاك
  • والبحر ؟
  • عيونك موجودة
  • مش فاهم
  • عينك بشوف فيها البحر والله
  • ههههههه دا أنتِ طلعتي رومانسية بقى
  • من تحت لتحت كدا
    -فريدة
    -قلبها
    -بَحِبك
    -بتحبني اوي اوي يعني ؟
    -آه
    -طب تثبتلي إزاي
    -تحبِ أنزلك الماية حالًا ؟
    -لالا أنت مجنون والله
    -لا ممكن أعملها والله
    -لا يباشا الدنيا ساقعة والموجة عالية والدنيا ليلت أنا متأكدة
    -لا لا عايز أثبتلك
    -أعقل يا سفيان يا حبيبي
    -لا هي ضربت معايا هنزل الماية
    -سفيان متهزرش
    -لالا أوعي كدا. ” بينط في الماية” بحبك يا فريدة.
    -طب يا حبيبي خلاص تأكدت أطلع بقي
    “بيأخد نفسه بالعافية” لالا الماية حلوة اوي أنا هأخد غطس
  • سفيان أطلع بقى أنا خايفة عليك
    سفيان
    حبيبي
    سفيااااااان
    متخضنيش عليك
    سفيان
    أنت أكيد بتهزر صح؟
    سفيااااااان
    -………….
    -يا جماعه حد يلحقنا، يا ناااس
  • الو يا بابا ألحقني سفيان نزل الماية، مطلعش يا بابا ألحقني

“في خلال نص ساعه الشاطئ كان مليان بأهلهم وفرق الإنقاذ بيدورا علي سفيان”

-بابا سفيان لازم أنزل أجيبه هو مستنيني
-أهدي يا فريدة، إن شاء الله خير

“صوت شخص” أحنا أسفين يا جماعه الشخص مش لاقينه في الماية أدعوا ربنا نلاقي الجثة الدنيا ليل هنستني للصبح ويارب يطفو عالماية

  • يعني اي سفيان مش عايش؟
  • للاسف كدا الاحتمال الأكبر انه توفي إلا إذا انه خرج وحضرتك مشوفتيهوش
  • لا مخرجش وأكيد عايش
    -دوروا كويس بالله
    -حاضر
    -يلا يا فريدة نروح ونيجي الصبح.
    -أروح! أدخل بيتنا من غيره مش هروح غير وهو معايا
    “جريت وقفت على أول البحر وبتنادي”
    -سفيااان
    حبيبي أطلع بقي أنا متأكدة إنك بتحبني
    سفيان
    -خلاص يا فريدة حرام عليكي نفسك
    -سيبها يا حج تنادي عليه علشان الجثة تتطلع
    -محدش يقول جثة سمعتوا دا سفيان عايش وبياخد غطس وهيطلع
    سفيااااان يا حبيببي اطلع سفياااان
    “ظلت تبكي وتنده على حبيب قلبها ولكن لا حياة لمن تنادي”
    “صباح اليوم الثاني”
    شخص من فرق الأنقاذ: أحنا كنا بندور ولقينا الجثة بين الحجر أدعوا ربنا نعرف نطلعها قبل ما تبوش
    -جثة مين ؟اسمه سفيان وهو عايش على فكرة
    -يابنتي اهدي بقى لا إله إلا الله
    -آه سفيان وحشني أوي يا بابا
    -اصبري يا بنتي اصبري
    “بعد مرور الوقت وأوشك الغروب أن يأتي”
    -سفيان يلا يا حبيبي الغروب قرب يلا
    سفيان يلا يا حبيبي، سفيان يلا
    بابا سفيان أهوه بيبتسملي أهوه
    -فين دا يا بنتي ؟
    -بص يا بابا كدا في الماية سفيان بيشاورلي هنزل أجيبه
    -أعقلي يا بنتي سفيان مات إنّا لله وإن إليه راجعون
    -بتكذبوا ليه ؟ سفيان اهوه في الماية.
    -“بتجري تدخل في الماية عايزه تنزل للخيال اللي شايفة”
    -يا جماعة خدوها وروحوا حرام كدا
    -أروح ؟لا يا بابا هستني سفيان يطلع عايزه أشوف الغروب معاه زي كل يوم بقالنا ٤ سنين بنشوف الغروب مع بعض مينفعش أروح قبل ما نشوف الغروب مع بعض
    -حاضر يا بنتي أهدي بقي
    “بدأت تقول كلام لا يفهم”
    -سفيان أنت البحر شهد علي حبنا بلاش يشهد علي موتنا
    -ههه سفيان بحبك
    -سفيان متجيبش الماية علي وشي لا

-حد يطلب الإسعاف، الحقوني بنتي أغمي عليها
“في المستشفى”
-للأسف جالها إنهيار عصبي وتوهان هي عايشة دلوقتي حاجة غير اللي أنتوا عايشينها
-طب والعمل يا دكتور؟
-هتفضل معانا فترة نتابع حالتها النفسية؛ لأن هي ممكن تأذي نفسها من غير ما تحس بل ممكن تستمتع وهي بتأذي نفسها
-طيب يا دكتور دلوقتي جوزها مات وعايزين ندفنه ممكن نأخدها تشوفه يمكن تتحسن.
-تتحسن موعدكش لكن هي ممكن تفوق من حالة التوهان وتعرف ترجع للأحداث بتاعت الحياة
-ماشي يا دكتور أنا هأخدها تشوفه قبل ما يدفن وهرجعها بنفسي
-تمام بس متنساش هي عندها إنهيار عصبي ممكن يحصلها اي حاجة وهي معاكم
-ربنا يستر يا دكتور عن إذنك

-فريدة حبيبتي عاملة اي؟
-الحمد لله تمام يا بابا شوف سفيان جابلي الأكل دا
-آه بجد واي كمان ؟
-وجه وقالي أنه بيحبني أوي وهروح أشوف الغروب النهارده زي كل يوم معاه
-هو سفيان جه هنا ؟
-آه يا بابا جه وكان قاعد مكانك بس مش عارفة راح فين لما انت دخلت شوفه خرج كدا يا بابا
-طيب تحبي تروحيله ؟
-ماشي يلا نروح هو اصلا وحشني هو أكيد سبقني علي الشط
-يلا يا بنتي

-فين سفيان يا بابا ؟
-أهو يا بنتي على الخشبة سلمِ عليه قبل ما يمشي
-هيروح فين؟
-ماهو سفيان مات يابنتي مات
-اي مات لا سفيان حبيبي قوم سيبك منهم أنا فريدة أنتوا بتكدبوا ليه؟ دا كان معايا طول اليوم
-فريدة اهدي يابنتي
-آه سفيان يا حبيبي اااااه يا سفياان قوم ليه سبتني ليه؟ هنت عليك ؟
-يا فريده أهدي بقي
-آه سفيان مات يا بابا مات إزاي ليه يارب؟
-وحدي الله يا بنتي
فريدة بنتي فريدة إسعاف يا جماعة

-زي ما قولت لحضرتك عندها إنهيار عصبي وادمرت نفسيًا أكتر وللأسف هي عندها كمان عدم إدراك بأي حد هي مش حاسه بحد غير سفيان وتفضل تكلمه هو وبس
-طب والعمل يا دكتور
-ولا حاجه هتفضل في المستشفى هنا تحت الملاحظة وادعوا أنها تفوق
-طب يا دكتور أنا هفضل معها
-للأسف مينفعش هي كمان في حالتها هي مش محتاجة حد ولا هتعرفك أصلا لأنها معندهاش وعي غير بسفيان
-طيب هدخل أسلم عليها وأمشي

-فريدة إزيك يا بنتي ؟
-…….
-فريدة مش هتردِ عليا ؟
-“تنظر له بإستغراب”
-أنا ماشي يارب اشفيها من عندك

“بعد منتصف الليل”
-أنتِ راحة فين ؟
-اي؟ أنتِ مالك؟ وبعدين أنتي مين ؟
-أنا الممرضة راحة فين ؟
-اي مش شايفة سفيان معايا أنا ؟وهو خارجين عندك مانع؟
-ممكن تيجي معايا نروح الاوضة؟
-قولتلك لا هروح مع سفيان ملكيش دعوه “ظلت تصرخ”
-الحقني يا دكتور
-هاتي حقنة مهدئة بسرعة
-شيلوها دخلوها الاوضة واقفلوا الباب بالمفتاح

“في الصباح الباكر”
-سفيان يلا يا حبيبي نمشي
-يلا يا فريدة هفسحك في إسكندرية كلها
-بجد؟ تسلم يا حبيبي، اي دا ؟الوحشين قافلين الباب
-افتحي الشباك ونطِ منه
-طيب يلا

-أه رجلي وجعتني اوي
-معلش مش أنا سفيان حبيبك؟ تعالي معايا
-ماشي يلا
-أنا هنزل الماية
-سفيان أنت بتضحكلي من تحت الماية ليه؟، أنا بخاف منها مش بعرف أعوم .
-لا تعالي بس مش هتغرقِ متخافيش
-يعني هتمسكني ؟
-أه مش أنتِ عايزاني معاكِ؟
-أه
-طيب يلا تعالي أنا تحت هتيجي؟
-هنزلك أهو يا حبيبي


عاجل:العثور على جثة فتاة في البحر ألقت بنفسها عمدًا وأكدت المصادر أنها لم يكن معها أحد.


اذا اردت ان تحب …
فلا تحب بعمق حتى تتأكد ان الطرف الاخر يحبك بنفس العمق ..فعمق حبك اليوم …هو عمق جرحك غدا…!!!

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق