ارتجالات
أخر الأخبار

“لغبطة كلام”

اكتشفت مع مرور الوقت احساسنا بالموقف بيخلص او ممكن يكمل بعد ساعات منه بس ال بيكمل معانا التأثير الناتج من الموقف .. بيكمل معانا الخبطه الاولي ال بتصيب قلبنا في اللحظه دي .. شلل دماغنا وخناقه لا اكيد مش ده ال حصل اكيد دي تهيؤات .. بيكمل معانا الحاجز ال بيتبني في الدماغ والقلب ناحيه الشخصيه ال عملت الموقف ده حتي لو قولنا عادي وكملنا .. كل ده بيجي فجأه ويعمل هجوم علي الدماغ والقلب في لحظه وبيرمي بينا في قاع مليان تسؤلات كتير وعلامات استفهام اجابتها في النهايه ” اننا وارد نبقي مجرد ريشه ملهاش فايده في حياه اكتر الشخصيات اهميه لينا وان الحياه مش بالسلاسة دي إطلاقًا .. وده للاسف احساس مش هين علي اي شخص وعلي اي مجهود بنبذله .. يبان للبعض ان الامر مش مهم ودرامي لاصحاب القلوب القويه بس الحقيقه ان مع الوقت بيتسرب جوانا احساس ” اننا مش كفايه ” في حياه ال قدامنا مهما اختلفت صفتهم وتجمعت علينا المواقف السيئه .. بس الاكيد عزيزي القارئ انك في يوم هتتصالح مع فكره انك مهم وكفايه ” لنفسك ” .. راضي عن كل المجهود ال بتقدمه لاي حد حتي لو مقدرش ده .. راضي عن الصراعات ال بتواجهه مع عقلك وقلبك وتتصالح معاهم ان معندكش قوه خارقه وانك لازم تكون متهاون شويه مع نفسك ورحيم بأخطائك وتقدر تغيرها للأحسن ..
راضي عن انك لسه الطفل ال جواك مكمل وبيغلب عليك ف مواقف كتير بس انت لازم تزق نفسك بنفسك لقدام مش كل مره هنلاقي حد يزقها معانا ..

الاهم انك تقدر تسامح نفسك .. حبها عزيزي القارئ اديها فرصه كل يوم بس اياك تنسي تأثير الموقف ولا الحواجز مهما مرت الأيام علشان مترجعش لنفس النقطه .. وكما قال احدهم ” كن لطيفًا دائمًا وتحلي بالشجاعه ” 🍃

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى
إغلاق
إغلاق