مقالات
أخر الأخبار

طبيب الغلابة الذي لم يعلم احد عنه شيء

من بداية رمضان وأغلب الناس بقت عارفة قصة طبيب الغلابة الدكتور العظيم “محمد مشالي” فى طنطا بعد رفضه مساعدة أحد البرامج الخيرية فى تطوير عيادته وتصميمه على تثبيت سعر الكشف عنده سنين طويلة برقم بسيط رغبة منه فى مساعدة الناس ومحاولة للتخفيف عنهم.. الحقيقة إن مصر فيها ناس كتير عندهم نفس إنسانية وجدعنة دكتور “مشالي”.. زي دكتور “سيد شكري” طبيب غلابة تاني عظيم ويستحق نعرف قصته!..

تخيل إنك راكب قطر ، وواحد جه يقولك أنا دكتور وهكشف عليك ببلاش!.. الراجل اللى فى الصورة ده إسمه د.”سيد شكري” أو زي ما هو معروف فى المنوفية بإسم “دكتور الغلابة”.. طبيب أنف وأذن وحنجرة فى مستشفي بركة السبع المركزي وكبير الأخصائيين بشري فى وزارة الصحة..

د.”سيد” بقاله حوالي 33 سنة ومن وقت ما إتخرج من كلية الطب جامعة الزقازيق؛ بيكشف بشكل مجاني تماماً على الناس فى المواصلات وجوه القطارات!.. الموضوع بدأ بناءاً على وصية من والدته اللى كسبت لقب الأم المثالية على مستوي المحافظة زمان وكان طلبها منه ومن إخواته هي أنهم يخصصوا جزء من دخلهم لله وللناس الغلبانة فهو قرر إن الجزء بتاعه يكون كشف مجاني على الناس البسيطة اللى بيقابلهم تقريباً كل يوم وهو راكب القطر رايح شغله..

ساعات كتير د.”سيد” بياخد معاه فى شنطته أدوية مجانية عشان يوزعها على الناس اللى محتاجين ده.. الجميل كمان إنه وعشان محدش يحس بغربة أو قلق منه خصوصاً إنه بيركب قطر المراكز؛ بيلبس جلابية بلدي بسيطة عشان الناس تحس إنه واحد منهم..

بيقول د.”سيد”: (الطب مهنة إنسانية فى المقام الأول بعيد عن جشع بعض الأطباء فى غلاء تكاليف الكشف، وأسعد لحظات حياتي لما بشوف الفرحة فى عين الناس وأنا بكشف عليهم).

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق