التعليم

تغطية خاصة للأيفينت السنوي “first step” من جريدة “اطلاع” لطلاب حاسبات ومعلومات..

 “First Step

ايفينت بتنظموا كل سنة للطلاب اللي داخلة سنة اولي حاسبات ومعلومات وفادت بيه علمدار ال6 سنوات الماضية منذ ان بدءت في جامعة حلوان اكثر من 4000 طالب وفي الايفينت ده السنادي قدرت توضح معلومات عن طريق محاضرين لديهم خبرة ف المجال عن الكلية والاقسام منا:

طب في البداية حاسبات ومعلومات بتتكلم عن ايه؟!

مجال حاسبات ومعلومات مهتم بكل ما يخص الكمبيوتر من اول البرمجة واختبارها ,  وازاي تديله اوامر ,ازاي بيعالجها , ازاي بيخزن البيانات , تعامل الكمبيوتر مع كمبيوتر تاني ف شبكة داخلية مثلًا او عن طريق النت.

طب ايه طبيعة الدراسة والمواد بالظبط في كلية حاسبات؟

 هتدرس مواد بتعرفك ازاي الكمبيوتر بيبرمج الاوامر اللي انت بتديهاله ( لما تدوس مثلًا على زرار الكيبورد او كليك الماوس علي حاجة ), وهتعلمك ازاي تقدر تحل مشاكل بشكل سليم ومشاكل مختلفة وكتير هتقابلك وتدي للكمبيوتر أوامر بحيث يقدر يفهمها وينفذها , وهتتعلم هو ايه الانترنت او الشبكات عموما وازاي الداتا بتتنقل من مكان ما للمكان التاني الصح اللي المفروض تروحله,

-هتتعلم ازاي تعمل موقع علي النت, وازاي تعمل برامج علي الديسكتوب, وبرامج علي الموبايل , هتتعلم اكثرعن السيكيوريتي والنتورك , وهتعرف عن الجرافيك بشكل ما وهتعرف عن أنظمة التشغيل زي الويندوس والاوبنتو وغيره ، هتتعلم برضو الذكاء الاصطناعي وازاي تخلي الكمبيوتر ياخد قرارته بنفسه , هتتعلم ازاي يبقي عندك كمية ضخمة جدا من البيانات ( زي المواقع الكبيرة) وازاي تقدر تخزنها وتعمل عليها عمليات تنفع للمستخدمين عشان تعرف تاخد قرار صح وتحسن من الموقع او السيستم بتاعك, ده طبعا بجانب بعض المواد اللي لازم يبقي عندك معلومات اساسية عنها لإنك هتحتاجها في بعض التخصصات زي تخصص(الفيزيا , الرياضة….) وده جزء بسيط عن الحاجات اللي هتدرسها فالكلية ، الكلية بتديك اساسيات كل حاجة واللي حابب تكمل فيه هترفع من امكانياتك فيه سواء عن طريق

كورسات علي Udemy

https://www.udemy.com/

 أو Coursera

https://www.coursera.org/

 أو  YouTube

https://m.youtube.com/

طب عندك كام قسم في الكلية واي هما ؟

الاقسام  بينها اختلاف بسيط من جامعة والتانية بس الاساسيات واحدة , واختبارك للقسم مش بيفرق في الشغل نهائي بالمعني محدش هيسألك انت خريج قسم ايه؟ الموضوع إفادة ليك انت في المجال اللي حابب تكمل فيها ف بتبقي اقوي فيه لانك عارف معلومات اكثر عنه.

بالنسبة ل حاسبات ومعلومات جامعة حلوان هتلاقي فيها تلت اقسام وانت بتختار منهم قسم أساسي وقسم فرعي :

اغلب الطلاب بتقول انه أصعب قسم فالكلية والسبب انه بيحتاج تركيز ووقت وصبر والقسم ده في جامعة حلوان كويس والدكاترة عندها خبرة..

Cs)computer science):

-والقسم ده هتتعلم فيه حجات اكثر عن الذكاء الاصطناعي  , وهتتعلم تعمل لغة برمجة , وبتتعلم ازاي الكمبيوتر بيفكر ويترجم الاوامر ويتفاعل بشكل مفصل, ومعلومات متعمقه اكثر..

-IS) information systems):

القسم الاكثر انتشار واللي بيدخلوا اغلب الطلاب لأنهم بيعرفوا يزاكروا ويفهموا بسهوله اكتر.

-ودي هتدرس فيها ازاي تتعامل مع البيانات الكتيرة  , ازاي تقعد مع العميل وتاخد منه المتطلبات للسيستم اللي هو عايز يعمله , ازاي بعد ما تاخد المتطلبات بتاعته تقدر تصمم السيستم صح وتستخدم قواعد البيانات دي في عمل احصائيات تفيد الشركة.

IT) information technology):

-والقسم ده في جامعة حلوان خصيصا لأن الكاترة فيها مش بقدر كافي من الخبرة حاليا هيعتمد بشكل اكبر علي مذكراتك انت لإنه مش بقوة ال CS وال IS في الكلية وعدد قليل بيدخله.

-وده هتدرس فيه اكتر عن الانترنت بس بتعمق , و السيكيوريتي وازاي تحمي الشبكة بتاعتك او الموقع وازاي تحمي الشبكة بتاعك من الاختراق ,وهكذا. وبرضو هتدرس النتورك والشبكات

طب ايه طبيعة الكلية دي وهتدرسلوا ازاي؟

-سواء انت هتخش الكلية او مش هتخشها لازم تذاكر من النت وتبحث وتدور مع نفسك وهتلاقي عالنت كل حاجة تحتاجها ومن أهم المواقع اللي ممكن تستعين بيها Stack Over Flow وطبعـًا جروبات ع الفيس لاي تخصص ف المجال اللي عاجبك وعايز تبدا فيه بحيث تلاقي ناس بنفس الإهتمامات يساعدوك في اي حاجة تحتاجها.

ونصيحة : المجال نفسه كل يوم فيه جديد فـ لو متابعتش التقدم بتاع ال technology ممكن ييجي عليك فترة مش هتلاقي شغل بالحاجة اللي انت مذاكرها وتعبت فيها.

السؤال الرائج بين الكل طب وليه ادخل الكلية دي طالما هعلم نفسي وكل اللي هحتاجه هلاقيه عالنت؟

-الكلية زي ما قولت بتحطك على أول الطريق في المجال ده وبتساعدك انك تتعرف علي المجال بشكل منظم اكتر وتبقى فاهم أساسيات كل قسم وكل مادة هتدرسها علمدار الاربع سنين وده هيفرق كتير عن اللي مذاكر مع نفسه لأنك بترجع ف اللي بتعمله للمعيدين وللدكاترة ولزمالك الاكبر منك ف الكلية وده هيخليك تاخد خبرة منهم وفي نفس الوقت تتاكد كل فترة انك مشيت ف الطريق الصح , وهتعرف حاجات ومجالات يمكن انت مكنتش تعرف عنها اصلًا.

طب ليه حاسبات حلوان اتكلمنا عنها بتركيز؟🤔

لإنها مريحة بمعنى إن الناس بتساعد بعض دايمًا ووقت ما بتقف في حاجة هتلاقي اكتر من حد بيساعدك  فده هيسهل عليك حجات كتير منها انك هتاخد نصيحة دراسية من اللي حواليك وتتعلم اكتر , وانك يبقا عندك شبكة علاقات كبيرة من نفس مجالك فده بيساعدك انك تقدر بسهولة تشارك في تيم ورك وتتعامل بسهولة وهتفيدك من حيث فرص الشغل , والمشاريع اللي بتعملوها مع بعض,والانشطة الطلابية..-طب هل

لتخصص ده متوفر فيه فرص شغل كتير؟

فرص الشغل في مجال حاسبات ومعلومات كتير جدًا , سواء جوه مصر او بره مصر، ده غير انو من مميزتها انك ممكن تشتغل من البيت , سواء تبع شركة معينة , أو تشتغل اونلاين على مواقع زي Upwork

https://www.upwork.com/

 اجتهد بس وادرس المجال بتعمق وهتلاقي فرص كتير تناسبك..

طب ايه الشغل اللي ممكن تشتغلوا بعد الكلية دي ؟ 

-المجال واسع وفيه وظايف كتير جدا مش هنقدر نشملها بس انت تقدر تشتغل علنفسك وتاخد خطوة ، ودي امثلة منهم:

applications developer

Cyber security analyst

Data analyst

Database administrator

Game designer

Games developer

Information systems manager

IT consultant

Web designer

Web developer

Machine learning engineer

Graphic Designer

Big data engineer

IOS Developer

Data Scientist

UI/UX Designer

Tester

• .Net developer

Software developer

PHP developer

دي بعض الطرق وفي غيرها كتير دي (first step ) ممكن تمشي فيهم سواء لوحدك من البداية او لما تاخد أول دَفعة من الكلية ، تقدر تاخد اسم كل وظيفة من دول وتبحث عنها وتعرف معلومات اكتر.

 –طب اي هي المواد اللي هتاخدها؟

– فالترم هتاخد من ٦-٧ مواد مختلفة بحيث تحاول بقدر الإمكان حاول تعرف كل حاجة عن المواد والاقسام عشان تعرف تحدد هتكمل في ايه قبل سنة تالتة ودي بعض المواد اللي هتاخدها ف الاربع السنين :

 Operating System -IT  – Algorithm – Computer science – Logic – Programming language 1 – Programming Language 2 – Operation research – Data structure – Simulation –  Network – Data base -Data warehouse – Graphics Multimedia -management-Math 1-Math 2- statistics-Electronics-economy-

وغيره كتير على مدار الأربع سنين.

-طب نيجي بقي لكلية لنظام الدراسة فيها :

 عندك تلت اقسام

١-General.

2-(Software (credit

3- Bio informatics

نبذة بشكل عام : كلهم ماشيين بنظام الساعات المعتمدة ( كريديت), يعني كل مادة ليها عدد ساعات معين ومن بعد أول سنة انت اللي بتسجل المواد اللي تذاكرها وبيبقى فيه مواد اجبارية لازم تاخدها ومواد اختيارية تختار منها , وكدا كدا انت مش هتتخرج إلا لما تكون معدي عدد ساعات معين ، وفيه مواد مترتبه على بعض وممكن مثلًا تبقي فيه مادة معتمدة علي المادة اللي شيلتها ف مش هتقدر تسجلها , يعني مثلا مينفعش تسجل ماث 2 غير لما تكون ناجح ف ماث

1.-نبذه عن أول قسم وهو general:ده القسم اللي معظم الناس بتخشه لإنه العادي وببلاش ب رسوم رمزية بس  , الدفعة بتبقي حوالي الف واحد ,بتتقسمو لجروبات علي حسب العدد وكل جروب بيبقي ليه جداول للمحاضرات مختلفة , والسكاشن بتبقي حوالي 30 واحد في السكشن , بالنسبة للدراسة اول سنتين فيهم بتاخد الاساسيات ومواد مختلفة من تراكات واقسام مختلفة وبعدين ف تالتة بتتخصص ف قسم من اللي اتكلمت عليهم فوق وممكن تختار طريق شغل من اللي فوق او من غيرهم كتير بحيث انت هتلاقي الطريق اللي حابب تكمل فيه…

2– قسم ده بفلوس واسمه software: القسم بيبقي حوالي فيه 60-100 واحد بس فالتركيز عليكم بيبقى أكبر , مش بيبقي فيه تخصصات لان هو تخصص من الاول , بيبقي فيه اهتمام اكتر بما ان العدد اقل طبعًا , سكاشن مكيفة ومدرجات لوحدههم وكدا،  المواد فيه مش بتفرق كتير عن جينرال وحتي نفس الدكاترة والمعيدين يعتبر في القسمين وبيقولوا برضو بيجيلهم منح اثناء الكلية.

3-قسم Bio informatics :هو قسم اتفتح جديد لعلمي علوم وأعداده مش كبيرة , وبيدرسوا بشكل عام ازاي يطبقو التكنولوجيا بتاعة الكمبيوتر في مجال الطب وسوفتويرز للأجهزة الطبية وحاجات من هذا القبيل.

ولعلمك ، فيه بعض المواد اللي ملهاش علاقة بينا اوي هتقابلها ف الكلية في أول سنة خاصةً زي الانجلش وزي مواد إجبارية على كل الكليات من تجارة زي ادارة اعمال, مبادئ انسانية , حقوق إنسان وغيره.

طب ايه إمكانية اللابتوب اللي بتحتاجوها في كل مرحلة ؟

هو اكيد يفضل تبقى داخل الكلية معاك لابتوب من أول سنة عشان تطبق عاللي تاخده فالبيت أول ب أول وعشان هيبقى فيه مشاريع ومناقشات وانت هتبقى في حاجة لللابتوب ده ومش لازم تجيبه حاجة عالية اوي بس عالأقل عشان يستحمل البرامج الكتير ومايهنجش منك.

طب ايه الغلطات اللي تتجنبها :

١-ماترخمش على الدكاترة عشان ممكن تقعد معاهم كتير.

٢-ماتعملش مشاكل مع أمن الكلية

٣-اوعى تروح الامتحان متأخر عشان ممكن مايرضوش يدخلوك.

٤-ماتتخانقش مع حد عشان صحابي شالوا مواد بسبب خناقة.

٥- عدم حضورك في الأساس ده مشكلة برضو ف احضر هتستفاد وخاصة لو فيه درجات بونص او حضور عليه درجات وكدا.

طب فرص الشغل هتيجي أثناء ولا بعد الكلية ؟

هو على حسب مستواك وعلى حسب الخطة اللي عاملها لنفسك فيه ناس بتشتغل في المجال من سنة تانية او تالتة او رابعة وفيه ناس بتخلي الشغل بعد التخرج ف انت ممكن تلاقي فرص شغل في حاجة انت كويس فيها أثناء الدراسة عادي.

-بالنسبة للتقدير ف هو اكيد خبرتك أهم بس فيه بعض المنح والشغل الخاص ماينفعش تقدم عليه إلا لو تقديرك معدي رقم معين ف اهتم بالتقدير على قد ما تقدر وهيبقى دافع ليك وبالتالي هتبذل وهتفهم أكثر فالكلية في سبيل إنك تجيب تقدير كويس.

-بالنسبة لطريقة التعامل مع الدكاترة ف زي ما قولت فوق ماترخمش عليهم واعمل ال assignment اللي يقولولك عليها عشان بيبقى عليها درجات وماتعملش حاجة في المحاضرة تخليهم يستقصدوك بل لو عايز تعدي المادة على خير اتصرف ب مثالية في محاضراتهم وفي التاسكات اللي بيدوهالك وانت هتلاقيهم كدا كدا بيساعدوك لو احتاجت اي حاجة.

فيه شوية مواقع هتحتاجوها لازم فالكلية :

https://www.w3schools.com/

https://www.geeksforgeeks.org/

https://stackoverflow.com/

https://www.programiz.com/

https://www.tutorialspoint.com/

ده لينك كورس البرمجة للمبتدئين:

https://www.youtube.com/playlist…

وده لينك السلايدز:

https://www.slideshare.net/…/intro-to-mobile…

 ونحب نشكر مايندرز علي الايفينت الثانوي اللي بيتعمل فيه مجهود كبير لمساعدة الطالبة علمدار ال6 سنين اللي فاتت بدءو في جامعة حلوان وهما دلوقتي موجودين في جامعة القاهرة والجامعة الصينية وجامعة مصر.

MINDERS

-بتهتم بمجالين وهما ريادة الاعمال والتكنولوجيا وحققت هدفها انها تكون من اكبر المؤسسات الحيوية لنشر الوعي وتطوير فكرة ال micro business

وده عن طريق تطوير المهارات عند الشباب والخبرات والمعرفة بتاعتهم وده بيتم عن طريق:

(events_workshops-campaings)

عدد الكرو السنادي كان اكتر من260 فرد من بين highboard و members

نظموا اكتر من 24 workshop اللي ساعدوا بيها اكتر من 2000 طالب في اكتر من 15 مجال مختالفين زي:

)graphic desigh-markting-web design-entrepreneurship-vedio production-..)

نظموا اكتر من 30 ايفينت منهم اللي بيدعم ريادة الاعمال واللي اتعمل عشان يساعد طلاب اللي داخله اولي حاسبات first step.

FIRST STEP 2020

وغير كل ده شاركوا في تنظيم ايفينتات كتير زي:

(startup land,Egypt career summit 2020,explode V )

وشاركوا في مسابقات كتير واتأهلوا للمركز الاول كمان

وتقدروا تتابعوهم عن طريق:

fb::https://www.facebook.com/MindersFCIH/

Instagram:mindersfcih

Twitter: @MindersFCIH

ودي معلومات عن ال speakers اللي حضروا ايفينت first step:

Ali abdelaal
aliabdelaal369@gmail.com
El sayed Hegazy
Faculty medical & bio departments
elsayedhegazy@live.com
http://Mawdoo3.com Machine Learning Research Engineer at
Tarek el Abd
Mobile Developer
& at: http://@Mule && Software Engineer
@InnoTech
https://www.youtube.com/tarekalabd
https://twitter.com/TarekAlabd
https://www.linkedin.com/in/TarekAlabd
Hesham el zoghby
Cyber Security Project Lead at Schneider Electric – Cyber Security Global Operation
Mohamed el nenaey
CEO at QCraft
Remon ramy
Lead Game Developer & Acting Head of Game Development
Muhammed yousry
Software engineer at orchtech
Ahmed samir
Senior Software Engineer

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
الرجوع الى الصفحه الرئيسة
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock